লেখার সাইজ:
কসূচীপত্র (Table of Contents)
বুদ্ধবন্দনা
নমো তস্স ভগৰতো অরহতো সম্মাসম্বুদ্ধস্স।
ত্রিরত্ন বন্দনা
বুদ্ধং ৰন্দামি,
ধম্মং ৰন্দামি,
সঙ্ঘং ৰন্দামি,
অহং ৰন্দামি সব্বদা।
দুতিযম্পি বুদ্ধং ৰন্দামি,
ধম্মং ৰন্দামি,
সঙ্ঘং ৰন্দামি,
অহং ৰন্দামি সব্বদা।
ততিযম্পি বুদ্ধং ৰন্দামি,
ধম্মং ৰন্দামি,
সঙ্ঘং ৰন্দামি,
অহং ৰন্দামি সব্বদা।
ত্রিশরণ গ্রহণ
বুদ্ধং সরণং গচ্ছামি।
ধম্মং সরণং গচ্ছামি।
সঙ্ঘং সরণং গচ্ছামি।
দুতিযম্পি বুদ্ধং সরণং গচ্ছামি।
দুতিযম্পি ধম্মং সরণং গচ্ছামি।
দুতিযম্পি সঙ্ঘং সরণং গচ্ছামি।
ততিযম্পি বুদ্ধং সরণং গচ্ছামি।
ততিযম্পি ধম্মং সরণং গচ্ছামি।
ততিযম্পি সঙ্ঘং সরণং গচ্ছামি।
ত্রিরত্ন বন্দনা (গাথায়)
১. যো সন্নিসিন্নো ৰরবোধিমূলে,
মারং সসেনং মহতিং ৰিজেত্বা।
সম্বোধিমাগঞ্ছি অনন্তঞাণো,
লোকুত্তমো তং পণমামি বুদ্ধং।
২. অট্ঠঙ্গিকো অরিযপথো জনানং,
মোক্খপ্পৰেসো উজুকোৰ মগ্গো।
ধম্মো অযং সন্তিকরো পণীতো,
নিয্যানিকো তং পণমামি ধম্মং।
৩. সঙ্ঘো ৰিসুদ্ধো ৰরদক্খিণেয্যো,
সন্তিন্দ্রিযো সব্বমলপ্পহীনো।
গুণেহি নেকেহি সমিদ্ধিপ্পত্তো,
অনাসৰো তং পণমামি সঙ্ঘং।
বুদ্ধের নয়গুণ বন্দনা
ইতিপি সো ভগৰা অরহং সম্মাসম্বুদ্ধো ৰিজ্জাচরণসম্পন্নো সুগতো লোকৰিদূ অনুত্তরো পুরিসদম্মসারথি সত্থা দেৰমনুস্সানং বুদ্ধো ভগৰা”তি।
১. বুদ্ধং যাৰ পরিনিব্বানং পরিযন্তং সরণং গচ্ছামি।
২. যে চ বুদ্ধা অতীতা, যে চ বুদ্ধা অনাগতা,
পচ্চুপ্পন্না চ যে বুদ্ধা, অহং ৰন্দামি সব্বদা।
৩. নত্থি মে সরণং অঞ্ঞং, বুদ্ধো মে সরণং ৰরং,
এতেন সচ্চৰজ্জেন, হোতু মে জযমঙ্গলং।”
৪. উত্তমঙ্গেন ৰন্দেহং, পাদপংসুং ৰরুত্তমং,
বুদ্ধো যো খলিতো দোসো, বুদ্ধো খমতু তং মমং।
ধর্মের ছয়গুণ বন্দনা
স্বাক্খাতো ভগৰতা ধম্মো সন্দিট্ঠিকো অকালিকো এহিপস্সিকো ওপনযিকো পচ্চত্তং ৰেদিতব্বো ৰিঞ্ঞূহী”তি॥
১. ধম্মং যাৰ পরিনিব্বানং পরিযন্তং সরণং গচ্ছামি।
২. যে চ ধম্মা অতীতা, যে চ ধম্মা অনাগতা,
পচ্চুপ্পন্না চ যে ধম্মা, অহং ৰন্দামি সব্বদা।
৩. নত্থি মে সরণং অঞ্ঞং, ধম্মো মে সরণং ৰরং,
এতেন সচ্চবজ্জেন, হোতু মে জযমঙ্গলং।
৪. উত্তমঙ্গেন ৰন্দেহং, ধম্মঞ্চ তিৰিধং ৰরং,
ধম্মো যো খলিতো দোসো, ধম্মো খমতু তং মমং।
সংঘের নয়গুণ বন্দনা
সুপটিপন্নো ভগৰতো সাৰকসঙ্ঘো উজুপটিপন্নো ভগৰতো সাৰকসঙ্ঘো ঞাযপটিপন্নো ভগৰতো সাৰকসঙ্ঘো সামীচিপটিপন্নো ভগৰতো সাৰকসঙ্ঘো, যদিদং চত্তারি পুরিসযুগানি অট্ঠ পুরিসপুগ্গলা এস ভগৰতো সাৰকসঙ্ঘো, আহুনেয্যো পাহুনেয্যো দক্খিণেয্যো অঞ্জলিকরণীযো অনুত্তরং পুঞ্ঞক্খেত্তং লোকস্সা”তি॥
১. সঙ্ঘং যাৰ পরিনিব্বানং পরিযন্তং সরণং গচ্ছামি।
২. যে চ সঙ্ঘা অতীতা, যে চ সঙ্ঘা অনাগতা,
পচ্চুপ্পন্না চ যে সঙ্ঘা, অহং ৰন্দামি সব্বদা।
৩. নত্থি মে সরণং অঞ্ঞং, সঙ্ঘো মে সরণং ৰরং,
এতেন সচ্চৰজ্জেন, হোতু মে জযমঙ্গলং।
৪. উত্তমঙ্গেন ৰন্দেহং, সঙ্ঘঞ্চ দ্বিৰিধুত্তমং,
সঙ্ঘো যো খলিতো দোসো, সঙ্ঘো খমতু তং মমং।
আটাশ বুদ্ধ বন্দনা
তণ্হঙ্করো মহাৰীরো, মেধঙ্করো মহাযসো,
সরণঙ্করো লোকহিতো, দীপঙ্করো জুতিন্ধরো।
কোণ্ডঞ্ঞো জনপামোক্খো, মঙ্গলো পুরিসাসভো,
সুমনো সুমনো ধীরো, রেৰতো রতিৰদ্ধনো।
সোভিতো গুণসম্পন্নো, অনোমদস্সী জনুত্তমো,
পদুমো লোকপজ্জোতো, নারদো ৰরসারথি।
পদুমুত্তরো সত্তসারো, সুমেধো অগ্গপুগ্গলো,
সুজাতো সব্বলোকগ্গো, পিযদস্সী নরাসভো।
অত্থদস্সী কারুণিকো, ধম্মদস্সী তমোনুদো,
সিদ্ধত্থো অসমো লোকে, তিস্সো ৰরদসংৰরো।
ফুস্সো ৰরদসম্বুদ্ধো, ৰিপস্সী চ অনুপমো,
সিখি সব্বহিতো সত্থা, ৰেস্সভূ সুখদাযকো।
ককুসন্ধো সত্থৰাহো, কোণাগমনো রণঞ্জহো,
কস্সপো সিরিসম্পন্নো, গোতমো সক্যপুঙ্গৰো।
অট্ঠৰীসতীমে বুদ্ধা, নিব্বানমতদাযকা,
নমামি সিরসা নিচ্চং, তে মে রক্খন্তু সব্বদা।